ЖОБАЛАУ ЖӘНЕ МОНТАЖДАУ

«Eurocold» компаниясы 3D-визуализацияланған дербес дизайн-жобаларды жасаумен айналысады. Біз тамақ өнімдерін сақтау мен өңдеуге арналған камераларды, қойма және логистикалық кешендерді, салқындату цехтарын, шоктық мұздату қондырғыларын, чиллерлерді, сондай-ақ тоңазытқыш агрегаттарымен жабдықталатын сауда алаңдары мен супермаркеттерді кәсіби деңгейде жобалаймыз.

Жабдықтарды таңдау жобаның міндеті мен тапсырыс берушінің тілек-талаптарына негізделе отырып жүзеге асырылады. Схемотехника мен компоненттік құрамға әсер ететін сыртқы факторлардың көп болуына байланысты, агрегаттарды есептеу және жобалау әрбір тапсырыс беруші үшін жеке (дербес) орындалады.

Әлемдік көшбасшылардың заманауи әзірлемелері мен энергия үнемдейтін шешімдерін өзіміздің инженерлік тәсілдерімізбен кешенді түрде қолдану нысан бойынша ай сайынғы шығындарды 30-40%-ға дейін қысқартуға мүмкіндік береді.

Жабдықтарды құрастыру, түйістіру, қосу және ретке келтіру, трассировкалау, дәнекерлеу (пайкалау), құбырлар мен коммуникацияларды оқшаулау және бекіту, тексеру, іске қосу, режимдерді баптау — бұл жұмыстардың барлығын үлкен практикалық тәжірибесі бар білікті мамандар орындайды.

Біз қолданатын бағдарламалық жасақтама гидравликалық кедергілерді дәл есептеуге және оны тоңазытқыш техникасын оңтайлы таңдау үшін, сондай-ақ жұмыс режимдерін баптау кезінде ескеруге мүмкіндік береді.

Құбыржолдар мен магистральдарды жобалаудағы біздің тәсіліміз құбырлардың қажетті диаметрлерін, олардың ұзындығын, бұрылыстардың, көтерілулер мен түсулердің санын оңтайлы таңдауға, сәйкесінше қажетті шығын материалдарының дәл ерекшелігін (спецификациясын) алуға мүмкіндік береді.