Алматы қ. онлайн-сауда логистикалық орталығы («Darkstore»), Хан Шатыр көш., 273/2

Жаңа «Darkstore» өз ішіне мыналарды қамтиды:

• тоңазытқыш және мұздатқыш камералар;
• тапсырыстарды шоғырландыру (консолидация) және жөнелту аймақтары;
• меншікті өндіріс;
• цехтар;
• цеха;

өнімдердің әртүрлі топтарына арналған ұзақ мерзімді сақтау камералары:

1. сүт өнімдері;
2. гастрономия;
3. көкөністер;
4. жемістер;
5. ет;
6. балық;
7. кондитерлік өнімдер;
8. салаттар;
9. ыстық кулинария;
10. пісірілген өнімдер;
11. мұздатылған өнімдер.

Әрбір камера, салқындатылатын аймақтар немесе цехтар үшін біздің мамандар әр өнімнің немесе сол өніммен жұмыс істеудің ерекшелігіне қарай арнайы шешімдер таңдады:

• адамдар тұрақты жұмыс істейтін аймақтарға арналған 2 ағынды буландырғыштар;
• ылғалдылығы жоғары камераларға арналған қабырғаларының (қанатшаларының) қадамы ұлғайтылған ауа салқындатқыштар;
• ірі сақтау аймақтарына арналған өнеркәсіптік сериялы буландырғыштар;
• мұздатқыш камераның ішіне кірмей-ақ, тауарларды іріктеп алуға арналған шыны есіктер;
• шыны есіктері бар мұздатқыш камераларға арналған арнайы нұсқадағы буландырғыштар;
• цехтар мен шоғырландыру және жөнелту аймақтары үшін маятниктік есіктер таңдалды;
• ұзақ мерзімді сақтау камераларына арналған жылжымалы (откатные) есіктер;
• ерекше өнімдерге арналған жылдамдығы жоғары ролл-есіктер.

Жобада энергия үнемдеу және пайдалану шығындарын барынша азайту, сондай-ақ кәдімгі логистикалық қоймалардан айтарлықтай ерекшеленетін «darkstore» пайдалану ерекшелігін ескере отырып, берілген температураны сақтау бойынша ең заманауи шешімдер іске асырылды:

1. Конденсаторларға арналған адиабаталық (буландырғыш) салқындату жүйелері. Олар жылдың жылы мезгілінде электр энергиясына жұмсалатын шығындарды айтарлықтай азайтуға мүмкіндік береді.
2. Орталық тоңазытқыш машиналардың суық өнімділігін біртіндеп реттеу жүйесі. Бұл тоңазытқыш және мұздатқыш қондырғылардың жұмысының әрбір нақты уақыт кезеңінде дәл қажетті мөлшерде ғана энергия тұтынуға мүмкіндік береді.
3. Төмен температуралы тоңазытқыш машиналардың қуатын арттыру үшін орташа температуралық агрегаттарда экономайзерлерді пайдалану. Бұл төмен температуралы қондырғылар үшін орташа температуралық тоңазытқыш машиналардың энергиясын пайдалануға мүмкіндік береді, бұл бастапқы шығындарды да, пайдалану шығындарын да үнемдейді.
4. ЕС-моторлы желдеткіштер қолданылады, бұл тек қажетті электр қуатын пайдалануға және шу деңгейін төмендетуге мүмкіндік береді
5. Интеллектуалды басқару жүйелері бар электронды термореттегіш вентильдер тоңазытқыш машиналар тұтынатын жалпы энергияның 15%-на дейін үнемдеуге мүмкіндік береді.
6. Хладагенттің конденсациялануының «тегін» жылуын пайдалана отырып жылытылатын, 3 текше метр суға арналған ыстық сумен жабдықтау (ЫСЖ) жүйесі.
7. Төмен температуралы ауа салқындатқыштарды электрлік ТЭН-дерді қолданбай, ыстық газбен еріту. Бұл жүйе тек қажетті орнатылған қуатты азайтуға және әрбір еріту циклі кезінде тапсырыс берушінің қаражатын үнемдеуге мүмкіндік беріп қоймайды, сонымен қатар буландырғышты әлдеқайда тиімді ерітеді, бұл тұтастай алғанда камералардағы берілген температураны сақтауға оң әсер етеді.
8. Барлық тоңазытқыш және mұздатқыш жүйелер элементтерінің жұмысын диспетчерлеу, бақылау және оңтайландыру жүйесі. Бұл тапсырыс берушіге және сервистік компанияға нысанда тікелей болмай-ақ, барлық жүйелердің ағымдағы жұмысы туралы толық ақпаратқа ие болуға және оларды түзетуге мүмкіндік береді, ықтимал мәселелер туралы алдын ала белгі беріп, елеулі апат орын алғанға дейін оларды жоюға жағдай жасайды. Диспетчерлеу жүйесінің құралы бағдарламамен кемінде 6 ай мерзімге күн сайын автоматты түрде жазылатын графиктер мен есептердің көмегімен талдау жұмыстарын жүргізуге және жүйені оңтайландыруға мүмкіндік береді.

Осы және басқа да көптеген инновациялар біздің тапсырыс берушімізге пайдалану шығындарын айтарлықтай азайтуға және өнімді жылдам әрі сапалы жеткізе отырып, клиенттерге барынша тиімді, сенімді және жедел қызмет көрсетуді қамтамасыз етуге мүмкіндік береді.
«Евроколд Сервис ltd» ЖШС жұмыстың толық кешенін орындады:

• тоңазытқыш жүйелерін жобалау;
• тоңазытқыш және мұздатқыш камералар мен цехтарға арналған сэндвич-панельдерді, есіктерді, орталық тоңазытқыш машиналарды, ауа салқындатқыштарды, конденсаторларды, басқару пульттерін, сондай-ақ диспетчерлеу және жылуды кәдеге жарату жүйелерін өндіру және жеткізу.

Біздің команда нысанда жабдықтарды монтаждауды, құрастыруды және іске қосу-баптау жұмыстарын жүзеге асырды.
Сондай-ақ біз ай сайынғы сервистік қызмет көрсетуді жүзеге асырамыз, оған мыналар кіреді:

• регламенттік қызмет көрсету;
• авариялық шақыртуларға жауап беру;
• тоңазытқыш жабдықтарының жұмысын мониторингілеу және диспетчерлеу жүйесі арқылы талдау жұмыстары.

Алматы қаласындағы жаңа үйлестіру орталығынан («darkstore») бөлек, біздің тапсырыс беруші 2025 жылы мына қалаларда да осындай қоймаларды ашты:

• Қарағанды;
• Ақтөбе;
• Астана.

Бұл жұмыс географиясын айтарлықтай кеңейтті, сондай-ақ Қазақстан азаматтарының тамақ өнімдерін онлайн-жеткізуге деген қажеттіліктерін жедел қанағаттандыру мүмкіндіктерін арттырды.