Olmati shahri, Xan Shatir koʻchasi, 273/2-uy manzilidagi onlayn-savdo logistika markazi (Darkstore)

Yangi "Darkstore" oʻz ichiga quyidagilarni oladi:

• sovitish va muzlatish kameralari;
• buyurtmalarni jamlash (konsolidatsiya) va joʻnatish zonalari;
• xususiy ishlab chiqarish obyekti;
• sexlar;
• turli mahsulot guruhlarini uzoq muddat saqlash kameralari:
• sut mahsulotlari;
• gastronomiya (deli);
• sabzavotlar;
• mevalar;
• goʻsht;
• baliq;
• qandolat mahsulotlari;
• salatlar;
• issiq kulinariya;
• pishiriqlar;
• muzlatilgan mahsulotlar.

Har bir kamera, sovitiladigan zonalar yoki sexlar uchun mutaxassislarimiz tomonidan har bir mahsulotning oʻziga xosligi va u bilan ishlash sharoitlaridan kelib chiqqan holda maxsus yechimlar tanlab olindi:

• Odamlar doimiy ishlaydigan zonalar uchun 2 oqimli bugʻlatgichlar (isparitellar);
• Namlik darajasi yuqori boʻlgan kameralar uchun parraqlari orasidagi masofa kengaytirilgan havo sovitgichlar;
• Yirik saqlash zonalari uchun sanoat seriyasidagi bugʻlatgichlar;
• Muzlatish kameralarining ichiga kirmasdan turib mahsulotlarni tanlab olish uchun shisha eshiklar;
• Shisha eshikli muzlatish kameralari uchun maxsus rusumdagi bugʻlatgichlar;
• Sexlar hamda buyurtmalarni jamlash va joʻnatish zonalari uchun mayatniksimon (ikki tomonga ochiladigan) eshiklar;
• Uzoq muddat saqlash kameralari uchun suriladigan (otkatnie) eshiklar;
• Oʻziga xos mahsulotlar uchun yuqori tezlikda ishlaydigan rolikli (roll) eshiklar.

Loyihada energiya tejash, ekspluatatsiya xarajatlarini minimallashtirish hamda belgilangan haroratni saqlab turish boʻyicha eng zamonaviy yechimlar qoʻllanilgan. Bunda darkstorlardan foydalanishning oddiy logistika omborlaridan sezilarli darajada farq qiluvchi oʻziga xos xususiyatlari toʻliq hisobga olingan:

• Kondensatorlar uchun adiabatik (bugʻlanishli) sovitish tizimlari. Yilning issiq davrida elektr energiyasi sarfini sezilarli darajada kamaytirish imkonini beradi.
• Markaziy sovitish mashinalarining sovitish unumdorligini silliq tartibga solish tizimi. Sovitish va muzlatish qurilmalari ishining har bir aniq vaqt oraligʻida aynan qancha energiya kerak boʻlsa, shuncha isteʼmol qilinishini taʼminlaydi.
• Past haroratli sovitish mashinalarining quvvatini oshirish uchun oʻrta haroratli agregatlarda ekonamayzerlardan foydalanish. Oʻrta haroratli sovitish mashinalari energiyasini past haroratli qurilmalar uchun yoʻnaltirish imkonini beradi, bu esa ham dastlabki xarajatlarni, ham ekspluatatsiya xarajatlarini tejaydi.
• EC-motorli ventilyatorlarning qoʻllanilishi. Bu faqat zarur boʻlgan elektr quvvatidan foydalanish va shovqin darajasini pasaytirish imkonini beradi.
• Intellektual boshqaruv tizimlariga ega elektron kengayish ventillari (EEV). Sovitish mashinalari umumiy energiya isteʼmolining 15% gacha qismini tejashga xizmat qiladi.
• Xladagentning kondensatsiya issiqligidan foydalangan holda isitiladigan, 3 kub metr suvga moʻljallangan issiq suv taʼminoti (IST) tizimi.
• Past haroratli havo sovitgichlarni elektr isitkichlar (TENlar) yordamisiz, issiq gaz bilan eritish (ottayka) tizimi. Ushbu tizim nafaqat oʻrnatilgan quvvatni kamaytirish va har bir eritish siklida buyurtmachining mablagʻini tejash imkonini beradi, balki bugʻlatgichni ancha samarali eritadi, bu esa umuman kameralarda belgilangan haroratni barqaror saqlashga ijobiy taʼsir koʻrsatadi.
• Sovitish va muzlatish tizimlarining barcha elementlari ishini muvofiqlashtiruvchi dispetcherlik, nazorat va optimallashtirish tizimi. Buyurtmachi va servis kompaniyasiga obyektdaga barcha tizimlarning joriy ishi haqida toʻliq maʼlumotga ega boʻlish hamda obyektdaga jismoniy bormasdan turib ularni tuzatish imkonini beradi. Tizim jiddiy avariya sodir boʻlguniga qadar yuzaga kelishi mumkin boʻlgan muammolar haqida ogohlantiruvchi signallar beradi va ularni vaqtida bartaraf etishga sharoit yaratadi. Dispetcherlik tizimi asboblari dastur tomonidan kamida 6 oy muddatga har kuni avtomatik ravishda yozib boriladigan grafiklar va hisobotlar yordamida tahliliy ishlarni olib borish va tizimni optimallashtirish imkonini ham beradi.

Ushbu va boshqa koʻplab innovatsiyalar buyurtmachimizga ekspluatatsiya xarajatlarini sezilarli darajada qisqartirish hamda mijozlarga yuqori sifatli mahsulotlarni tezkor yetkazib bergan holda, maksimal darajada samarali, ishonchli va tez xizmat koʻrsatishni taʼminlash imkonini beradi.

"Eurocold Service ltd" MCHJ kompleks ishlarni toʻliq hajmda bajardi:

• sovitish tizimlarini loyihalash;
• sovitish/muzlatish kameralari va sexlari uchun sendvich-panellar ishlab chiqarish va yetkazib berish;
• eshiklar;
• markaziy sovitish mashinalari;
• havo sovitgichlar;
• kondensatorlar;
• boshqaruv pultlari;
• shuningdek, dispetcherlik va issiqlikni utilizatsiya qilish tizimlari.

Bizning jamoamiz obyektdagi uskunalarni montaj qilish, yigʻish va ishga tushirish-sozlash (pusko-naladka) ishlari va vazifalarini bajardi.
Shuningdek, biz har oylik texnik servis xizmatini ham amalga oshirmoqdamiz, bunga quyidagilar kiradi:

• reglamentli (rejadagi) xizmat koʻrsatish;
• avariya chaqiruvlariga tezkor munosabat bildirish;
• sovitish uskunalarining ishlash monitoringi va dispetcherlik tizimi orqali tahliliy ishlarni olib borish.

Olmati shahridagi yangi taqsimot markazidan (darkstordan) tashqari, buyurtmachimiz 2025-yilda quyidagi shaharlarda ham shunday omborlarni ishga tushirdi:

• Qaragʻanda;
• Oqtoʻba;
• Ostona.

Bu faoliyat geografiyasini sezilarli darajada kengaytirdi, shuningdek, Qozogʻiston fuqarolarining oziq-ovqat mahsulotlarini onlayn-etkazib berishga boʻlgan ehtiyojlarini tezkorlik bilan qondirish imkoniyatlarini oshirdi.